83

23 ноября 2018 в 11:44

“Ийэҕэ Албан аат” бириэмийэ

Быйыл Мииринэй оройуонугар баһылык Ришат Юзмухаметов көҕүлээһининэн, дьиэ кэргэни өйүүр саҥа дьаһал – оройуон баһылыгын “Ийэҕэ Албан аат” бириэмийэ олоххо киллэрилиннэ.

Балаһыанньа быһыытынан, бу бириэмийэнэн 5-6 сокуоннай саастарын туола илик оҕолорун (сэттэ уонна онтон элбэх оҕону иитэр төрөппүттэр өрөспүүбүлүкэтээҕи “Ийэ Албан аата” бириэмийэнэн наҕараадаланаллар) үчүгэйдик иитэр, Мииринэй оройуонугар 10-тан итэҕэһэ суох сыл олорор уонна бастайааннай регистрациялаах ийэлэр наҕараадаланаллар. Оҕолор ахсааннарыгар иитиэххэ ылыллыбыт оҕолор, ону сэргэ 23-гэр диэри саастаах күнүскү үөрэххэ сылдьар итиэннэ аармыйаҕа сулууспалыыр оҕолоро учуоттаналлар.

Быйыл наҕараадаҕа 10 ийэ түһэриллибит. Кинилэртэн 9-һа 5 оҕону иитэллэр, хас биирдиилэригэр 40 тыһ. солк. кээмэйинэн бириэмийэ туттарыллыаҕа. Ийэлэртэн биирдэстэрэ 6 оҕону улаатыннарар, киниэхэ 50 тыһ. солк. кээмэйдээх бириэмийэ ананна.

Оройуон баһылыгын “Слава Матери” бириэмийэтин сэтинньи 23 күнүгэр оройуон дьаһалтата “АЛРОСА” АХ культура-спорт комплексын кытта бииргэ тэрийэр бырааһынньыктааҕы кэнсиэригэр үөрүүлээх быһыыга-майгыга туттарыахтара. Бириэмийэни таһынан ийэлэр Мииринэй куоракка соторутааҕыта аһыллыбыт оҕо технопаркатын иитиллээччилэрэ толкуйдаан оҥорбут “Слава Матери” анал бэлиэлэрин ылыахтара. Ити туһунан СИА-ҕа оройуон дьаһалтатын пресс-сулууспата иһитиннэрдэ.

 

СИА.

 

Поделиться