343

30 октября 2015 в 17:35

Александр Корякин: «Пенсия реформата хотугу дьон балаһыанньатын мөлтөтүө суохтаах»

Александр Корякин: «Хоту дьон олоҕун уһуна Россияҕа ортотунан ыллахха, 5-6 сылынан кыра, үлэһиттэр эттэригэр-хааннарыгар айылҕа, климат усулуобуйалара мөлтөх өттүнэн дьайаллар, хотугу оройуоннарга олох сыаната үрдүк».

СӨ Судаарыстыбаннай Мунньаҕын (Ил Түмэн) доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Александр Корякин судаарыстыбаннай гражданскай сулууспа муҥутуур кыра ыстааһын сыыйа-баайа улаатыннарыыны көрөр сокуон барылын сөптөөҕүнэн ааҕар. Ол эрээри пенсия реформата кэнэҕэски пенсионердар туһааннаах категорияларыгар сабыдыаллаах буолуон сөп, диэн парламентарий REGNUM ИА корреспонденын кытта кэпсэтиигэ быһаарда.
«Судаарыстыбаннай уонна муниципальнай сулууспалаахтарга пенсияҕа тахсар сааһы улаатыннарар туһунан РФ Бырабыыталыстыбатын этиитин сүнньүнэн сөптөөҕүнэн ааҕабын. Ордук 2035 сылга Россияҕа пенсионердар уонна үлэлиир гражданнар ахсааннара тэҥнэһиэхтээҕин учуоттуур буоллахха, маннык балаһыанньа дойду пенсионнай систематыгар улахан ыарахаттары үөскэтиэҕэ», — диир парламентарий.
Санатар буоллахха, билигин судаарыстыбаннай уонна муниципальнай сулууспалаахха үлэлээбит сылларын иһин пенсия кырдьаҕаһынан страховой пенсияны анааһын кэнниттэн ханнык баҕарар кэмҥэ олохтонор – эр дьон 60 саастарын, дьахталлар 55 саастарын туоллахтарына, оттон Уһук Хоту сир оройуоннарыгар үлэлээбит дьоҥҥо туһааннааҕынан 55 уонна 50 саастарыгар. Онон хотугу сир дьоно үлэлээбит сылларын иһин (выслуга лет) пенсияны анатар саастара 10 уонна 15 сылынан улаатыннарыллыаҕа.
Итини сэргэ Александр Корякин бу реформа Уһук Хоту сиргэ олорор дьону таарыйыа суохтаах диэн этэр.
«Ити кэнниттэн страховой пенсияны болдьоҕун иннинэ ылар бырааптаах гражданнарга, холобур, Уһук Хоту сиргэ уонна онно тэҥнэниллибит миэстэлэргэ үлэлээбит гражданнарга, пенсияҕа тахсар сааһы үрдэтиэхтэрэ диэн долгуйуу баар. Хоту сир дьонугар пенсияны болдьоҕун иннинэ анааһыҥҥа олохтон тахсар төрүөттэр баалларын умнар сатаммат. Ол иһигэр: Россияҕа ортонон ыллахха, хоту дьон олоҕо 5-6 сылынан кылгас; үлэһит организмыгар айылҕа-климат усулуобуйалара мөлтөхтүк дьайаллар; хотугу оройуоннарга олох сыаната үрдүк, ол пенсияҕа оройуон коэффициеннарын ааҕыыга көстөр», — диэтэ депутат.

REGNUM ИА, 2015 с.
алтынньы 27 күнэ.

Поделиться