6

12 октября 2018 в 11:25

Айсен Николаев: Регионнааҕы телеханааллары “сыыппараҕа” көһөрүөххэ наада

Айсен Николаев ааҕарынан, РФ субъектарын былааһын уорганнара, Суруналыыстар сойуустара уонна интэриэстээх сонуну тарҕатар ситимнэр регионнааҕы ханааллары үһүс мультиплекска киллэриигэ үлэни ыытыахтаахтар.

Саха сирин Баһылыга Айсен Николаев санаатынан, федеральнай уонна регион­нааҕы телевидение ханааллара араас источниктарынан көстөллөрүнэн, мэлдьи ол икки ардыларыгар көһөргө күһэллэҕин, оттон ити национальнай ханааллар бэйэлэрин аудиторияларын сүтэрэллэригэр тиэрдиэн сөп.
«Бу проблема дойдуга баар, ону аахайбат буолар сатаммат. Саха сиригэр үс национальнай ханаал баар: «САХА» НКИХ, «Якутия 24» уонна «Мамонт». Бу судаарыстыбаннай ханааллар. Бүгүҥҥү күҥҥэ ТЦТР» ГУП кытта кинилэр “сыыппаранан” биэриилэри көрдөрүөхтэрин сөп, ол эрээри үһүс мультиплекска боппуруос быһаарылла илигинэн итиэннэ регионнарга лицензия бэриллибэтинэн, бу боппуруос биһиэхэ “ыйанан” турар. 2019 сыл тохсунньутуттан федеральнай телевидение ханааллара “сыыппараҕа” эрэ көстүөхтэрэ. Оттон биһиги национальнай ханаалларбыт аналогынан биэриилэри ыытыахтара», — диэтэ Сочига “Вся Россия” медиа-форум чэрчитинэн пресс-конференциятын кэмигэр өрөспүүбүлүкэ баһылыга.

Марина Василевская,
СИА.