74

21 декабря 2018 в 12:57

Виктор Губарев – Аллараа Халыма Бочуоттаах гражданина

Хоту сир туруктаахтык сайдыытын кытта сибээстээх боппуруостары быһаарыыга, муниципальнай тэриллии социальнай-экономическай сайдыытыгар өр сыллаах ыйааһыннаах кылаатын иһин Ил Түмэн Бэрэссэдээтэлин солбуйааччыта Виктор Губаревка “Аллараа Халыма оройуонун Бочуоттаах гражданина” аат иҥэрилиннэ.

Бу наҕараада Ил Түмэн иһинэн Хоту сир аҕыйах ахсааннаах төрүт олохтоох норуоттарын бэрэстэбиитэллэрэ — депутаттар Ассамблеяларын бастакы мунньаҕар үөрүүлээх быһыыга-майгыга туттарылынна.
СӨ чукчаларын Ассоциациятын бэрэссэдээтэлэ Жанна Дьячкова хадатаайыстыбатынан Аллараа Халыма оройуоннааҕы Сэбиэтин президиумунан туһааннаах быһаарыы ылыллыбыта.
Өрөспүүбүлүкэ парламенын вице-спикерэ Виктор Губарев үгүс сылларга Хоту сиргэ үлэлээбитэ итиэннэ өрөспүүбүлүкэ Арктикатааҕы оройуоннарын олохтоохторо күннэтэ көрсөр кыһалҕаларын үчүгэйдик билэр. Ил Түмэн төрдүс ыҥырыытын народнай депутатынан буолан, Арктика уонна Хоту сир аҕыйах ахсааннаах төрүт норуоттарын проблемаларыгар сис кэмитиэти салайбыта.
Бүгүн Ил Түмэн Бэрэссэдээтэлин солбуйааччытын дуоһунаһыгар Виктор Николаевич Хоту сир аҕыйах ахсааннаах төрүт олохтоох норуоттарын боппуруостарыгар сис кэмитиэт үлэтин сүрүннэһэрин уонна Хоту сир туруктаахтык сайдыытын боппуруостарынан актыыбынайдык дьарыктанарын салгыыр.

 

Поделиться