78

21 декабря 2018 в 13:00

Федот Тумусов дойду Президенин уонна Бырабыыталыстыбатын Махтал суруктарын тутта

Биллэр судаарыстыбаннай деятель Федот Тумусов Судаарыстыбаннай Дума депутатын мандаатын аан бастаан 2008 сыллаахха туппута.

Билигин кини быыбардааччылар итэҕэллэрин ылан, үһүс төгүлүн норуот депутатынан талыллан, Госдума доруобуйа харыстабылын кэмитиэтин бэрэссэдээтэлин бастакы солбуйааччытыгар тиийэ үүммүтүн билэбит.

Федот Тумусов Российскай Федерация судаарыстыбаннай хотугу политикатын оҥорууга уонна ылыныыга, хотугу сиргэ медицинскэй көмөнү тэрийэргэ саҥа ньымалары туттууга уонна мобильнай медицинскэй комплекстары тэрийиигэ, эмп-том препараттарын ырыынактарын судаарыстыбаннай бэрээдэктээһин дьаһалларын ылыныыга, эми-тому регистрациялааһыны, тастан киирэр препараттары регламентациялааһыны уонна  хаачыстыбатын хонтуруоллааһыны нуорма-быраап өттүнэн хааччыйыыга, Уһук Илиҥҥи регионтан Москваҕа, итиэннэ регионнар икки ардыларыгар көтүүгэ авиабилиэт сыанатын аччатыыга, о.д.а. үгүс хайысхаларынан актыыбынайдык үлэлэһэрин билэбит.

Бу күннэргэ Госдума депутата Федот Тумусов Россия парламентаризма сайдыытыгар киллэрбит биллэр-көстөр кылаатын уонна сокуону оҥорууга, көҕүлээһиҥҥэ актыыбынай үлэтин иһин дойду Президенин Владимир Путин уонна Российскай Федерация бырабыы­талыстыбатын Махтал суруктарын тутта.

 

Бэй. инф.