28

14 декабря 2018 в 09:28

Дмитрий Медведев Елена Голомареваҕа махтал сурук туттарда

РФ премьер-миниистирэ Дмитрий Медведев РФ 10 регионугар бэйэтин уопсастыбаннай приемнайдарын салайааччыларыгар, кинилэр миэстэтигэр дьону кытта быһаччы үлэҕэ кылааттарын бэлиэтээн, махтал суруктары туттарда.

Медведев “Биир ньыгыл Россия” регионнааҕы салааларын сэкирэтээрдэрин уонна партия бэрэссэдээтэлин регионнааҕы уопсастыбаннай приемнайдарын салайааччыларын кытта көрсүһүүтүгэр наҕараадалары туттарыы сиэрэ-туома буолан ааста.
Кини уопсастыбаннай приемнайдар салайааччылара олус уустук быһаччы үлэни ыыталларын, кинилэргэ «үгүс дьон куһаҕан настарыанньалаах, улахан кыһалҕалаах кырдьыгы, сиэрдээх буолууну булаары кэлэллэрин” уонна көмөҕө наадыйалларын бэлиэтээтэ. «Дьоҥҥо барытыгар көмө кыаллыбатын биһиги эһигини кытта өйдүүбүт, ол эрээри хаһан баҕарар кыһалла сатыахха сөп», — диэтэ Медведев.
Кини уопсай дьыалаҕа кылааттарын иһин бэйэтин уопсастыбаннай приемнайдарын салайааччыларыгар махтанна уонна кэлэн иһэр бырааһынньыктарынан эҕэрдэлээтэ.
“Биир ньыгыл Россия” бэрэссэдээтэлин регионнардааҕы уопсастыбаннай приемнайдарын салайааччылара махтал грамоталары ыллылар: Ямало-Ненецкэй автономнай уокурукка — Марат Абдрахманов, Оренбург уобалаһыгар — Геннадий Аверьянов, Саха сиригэр — Елена Голомарева, Челябинскай уобаласка — Владимир Горнов, Кострома уобалаһыгар — Сергей Деменков, Астрахань уобалаһыгар — Леонид Огуль, Туваҕа — Онер Ондар, Архангельскай уобаласка — Александр Поликарпов, Курскай уобаласка — Владимир Сальников, Курган уобалаһыгар — Александр Сапожников.

Сахамин Афанасьев хаартыскаҕа түһэриитэ.
https://tass.ru