27

12 октября 2018 в 11:18

Блогердар бюджеты дьүүллэһиигэ кыттыахтара

СӨ Судаарыстыбаннай Мунньаҕын (Ил Түмэн) Бэрэссэдээтэлэ Петр Гоголев 2018 с. алтынньы 9 к. блогердар Алексей Басылаевы, Антон Жондоровы уонна Мичил Яковлевы кытта көрүстэ.

Санаттахха, быйыл алтынньы 3 к. регионнааҕы сонуну киэҥник тарҕатар ситимнэр уонна иһитиннэрэр агентстволар салайааччыларын кытта көрсүһүүгэ Ил Түмэн спикерэ Петр Гоголев алтыс ыҥырыылаах парламент үлэтин сырдатыыга уонна дьүүллэһиигэ блогердар уопсастыбалара кыттыахтааҕын сөптөөҕүнэн сыаналаабыта.
Судаарыстыбаннай Мунньах Бэрэссэдээтэлин кабинетыгар буолан ааспыт кэпсэтиигэ Ил Түмэн үлэтэ аһаҕас уонна дьоҥҥо тиийимтиэ буолуутун хааччыйыыга анаан сокуон барылларын дьүүллэһиигэ нэһилиэнньэни тардыы темата таарылынна.
Сэһэргэһии кэмигэр Петр Гоголев “Сахамедиа” ААУо генеральнай директора Алексей Чертков этиитинэн, өрөспүүбүлүкэтээҕи медиа-кииҥҥэ Саха сирин судаарыстыбаннай бюджетын көннөрүүгэ сокуон барылын дьүүл­лэһии буолуохтааҕын иһитиннэрдэ уонна онно блогердар актыыбынайдык кытталларыгар ыҥырда.
Антон Жондоров судаарыстыба атыылаһыытын оптимиза­циялааһын суолунан 2019 сылга бюджет ороскуоттарын көдьүүһүн үрдэтии проблематын көтөхтө. Блогердар бу боппуруоска бэйэлэрин санааларын үллэһиннилэр.
Ил Түмэн спикерэ, кэпсэтиини түмүктээн, блогердары кытта көрсүһүүлэр кэмиттэн кэмигэр тэриллиэхтэрин бэлиэтээтэ.