165

29 сентября 2017 в 13:13

Саха чулуу дьонугар сүгүрүйэбит

Балаҕан ыйын 27 күнүгэр Ил Түмэн депутаттара Саха Өрөспүүбүлүкэтин Судаарыстыбаннаһын күнүн бэлиэтиир өрөгөйдөөх күнүгэр саха норуотун чулуу интеллегенцията Платон Ойуунускай, Максим Аммосов, А.Е. Кулаковскай-Өксөкүлээх Өлөксөй, Степан Васильев пааматынньыктарыгар сибэкки уурдулар.

Дьокутааттар Алексей Еремеев, Ольга Балабкина, Анатолий Добрянцев, Антонина Григорьева уонна да атыттар бу күн саха норуотугар ураты суолталааҕын бэлиэтээтилэр.

Ыччакка туһаайан Саха норуотун кэскили түстээбит, уйгулаах олохпутун уһансыбыт дьоһун дьоммутун туһунан билиэхтээхпит, киэн туттуохтаахпыт, ааттарын ааттатарга дьулуһуохтаахпыт диэн баҕа санааларын тиэртилэр.

Ирина Ханды.