Просмотров - 27

4 сентября 2017 14:17

Билии күнүн көһөрүөхтэрин баҕараллар?

Госдумаҕа депутаттар Михаил Дегтярев, Борис Чернышов, Вадим Деньгин Билии күнүн көһөрөр туһунан сокуон барылын киллэрдилэр. Сокуон барылыгар муниципалитеттарга Билии күнэ балаҕан ыйын 1 күнүттэн алтынньы 1 күнүгэр көһүөн сөптөөҕүн туһунан этиллэр.

“Үөрэх дьыла саҕаланар кэмин балаҕан ыйын 1 күнүттэн алтынньы 1 күнүгэр көһөрөр боломуочуйаны олохтоох бэйэни салайыныы уорганнарыгар сүктэриллэр. Балаҕан ыйын 1 күнэ дойду үрдүнэн үөрэх дьыла саҕаланар күнүнэн син биир хаалар. Ол гынан баран, мунипальнай тэриллииллэр маныаха төрүөт баар буоллаҕына, үөрэх дьыла саҕаланар дататын уларытыахтарын сөп буолар”, — диэн сокуон барылын быһаарыытыгар суруллубут.
Парламентарийдар быһаарбыттарынан, Билии күнэ үгэс буолбутунан балаҕан 1 күнүнэн хаалар. “Ол гынан баран, Арассыыйа киэҥ сиринэн тайаан сытар регионнара килииммэттэрэ, национальнай, социальнай өрүттэринэн уратылаһаллар, ол иһин хайдах табыгастаах буоларынан, бу датаны уларытыахтарын сөбүн билинэр ордук”, — дииллэр.
Маны таһынан көмүс күһүн бүтэһик сылаас күннэригэр оҕолор сынньаналлара-оонньууллара, доруобуйаларын чэбдигирдэллэрэ оруннаах диэн сокуон барылын көҕүлээччилэр этэллэр.

Сардаана КУЗЬМИНА.

Dog