407

13 ноября 2015 в 10:05

Сэрии бэтэрээннэрин дьиэнэн хааччыйыыга 10 млрд солк. тахса үп көрүлүннэ

Олорор усулуобуйала­рын тупсарыыга наадыйар 1941-1945 сс. Аҕа дойду Улуу сэриитин бэтэрээннэрин олорор дьиэнэн хааччыйыыга 2016 сылга федеральнай бюджет барылыгар 10,04 млрд. солк. көрүллүбүт.

Бу туһунан РФ тутуу­га уонна дьиэ-уот-ком­мунальнай хаһаа­йысты­батыгар миниистирэ Олег Бетин сэтинньи 11 күнүгэр ыытыллыбыт Бүтүн Россиятааҕы селекторнай мунньахха иһитиннэрдэ.
«Аҕа дойду Улуу сэрии­тин бэтэ­рээннэрин олорор дьиэнэн хааччыйыыга федеральнай бюджеттан субвенцияны биэриигэ РФ субъектарыттан киир­бит сайаапкаларга хардардыбыт», — диэтэ Олег Бетин. Бюджет барылыгар көрүллүбүт 10,04 млрд. солкуобай 8,35 тыһ. кырата суох ахсааннаах бэтэрээҥҥэ олорор усулуобуйаларын тупсарар кыаҕы биэриэҕэ.
Итини сэргэ миниистир солбуйааччыта регионнар бэрэстэбиитэллэригэр Аҕа дойду Улуу сэриитин кыттыылаахтарыгар уонна инбэлииттэригэр дьиэни биэриигэ бэрээдэги тутуһаллара наадалааҕын санатта.
Россия Прези­де­нин уонна Быра­быы­­талыс­тыбатын сорудах­тарыгар сөп түбэһиннэрэн, Аҕа дойду Улуу сэриитин кыттыылаахтара уонна инбэлииттэрэ дьиэнэн бастакы уочарат хааччыллыахтаахтар диэн санатта биэдэмистибэ салайааччытын солбуйааччы.
«2015 сыл алтынньы 1 күнүнээҕи туругунан олорор дьиэҕэ наадыйааччылар учуоттарыгар 1,22 тыһ. Аҕа дойду Улуу сэриитин кыттыылаахтара уонна инбэлииттэрэ бааллар», — диэн чуолкайдаата Олег Бетин.
2015 сылга Аҕа дойду Улуу сэриитин бэтэрээннэрин олорор усулуобуйаларын тупсарыыга 12,49 млрд. солк. көрүллүбүтэ. «Алтынньы 1 күнүнээҕи туругунан 580,9 мөл. солк. туттуллубакка турар, онон сыл бүтүөр диэри 450-тэн аҕыйаҕа суох сэрии бэтэрээнин олорор дьиэнэн хааччыйыахха сөп», — диэн эбэн эттэ Олег Бетин.

Ил Түмэн саайтыттан.