64

12 мая 2017 в 10:47

Эмчит идэлээх дьокутаат

Булуҥ улууһундьокутаата Алла Андреева быраас идэлээхбуолан, туох-ханнык иннинэ биирдойдулаахтара хаачыстыбалаахтыкэмтэнэллэрин туһугар кыһаллар. Алла Андреева улуус биир сүрүн кыһалҕатынан социальнай тэрилтэлэр дьиэлэрэ эргэрбиттэрин, материальнай базалара мөлтөҕүн ыйар. «Мин эмчит идэлээх буоламмын, бастатан туран, биирдойдулаахтарым үчүгэйдик эмтэнэллэрин туһугар кыһаллабын. Улууспутугар эмп тэрилтэлэрин дьиэлэрэ өссө ааспыт үйэ 50-60 сс. тутуллубуттара. Аптека ситимэ суох, эмп сыаната олус үрдүк», -диэнулуус дьокутаата баар кыһалҕалары билэр киһи быһыытынан кэпсээбитинэн барар. Дьокутаат кыһалҕалары эрэбэлиэтээһининэн муҥурдаммата. Кини бу кыһалҕалары туоратарга быһаччы үлэлиир. «Олохтоох дьаһалта уонна улуус дьокутааттарын сэбиэтэ биир сүбэнэн үлэлээн, Доруобуйа харыстабылын иһинэн үп көрүллэн, Күһүүр уонна Бороҕон балыыһалара өрөмүөннэннилэр. Сииктээххэ биэлсэр пууна (ФАП) тутулунна. Быйыл Быков Мыс бөһүөлэккэ биэлсэр пууна тутуллара былааннанар. Ол туһунан ситэриилээх былаас отчуоттуу кэлэ сылдьан иһитиннэрбитэ. Быков Мыска балыыһа суох, быраас оҕо саадын дьиэтин муннугар миэстэ ылан олохтоохтору көрөр. Ол иһин бу сонуну олус долгуйа-үөрэ истибиттэрэ», -диэн Алла Алексеевна сонунун кэпсиир. Хотугу улуустарга бэйэ-бэйэлэриттэн тэйиччи сытар нэһилиэктэргэ булгуччулаах эмтэри тиэрдии уустук. «Аптека тиһигэ эми тиэрдиитэ мөлтөх буолан, ыалдьыбыт дьон кэмигэр эмтэммэттэр, ыарыыларын баалыыллар. Бу олус улахан кыһалҕанан буолар. Биһиги, улуус дьокутааттара, эми кэмигэр тиэрдэллэрин туруорсабыт. Эмп сыаната үүнэ-тэһиинэ суох үрдээбэтин курдук хонтуруоллуур үлэ ыытабыт», -- диир. Алла Андреева Муниципальнай тэриллиилэр бэрэстэбиитэллээх уорганнарын бастакы сийиэһин делегатынан буолбут. Сийиэс үлэтин үчүгэйдик билсибит. «Сийиэскэ дьокутааттар үлэлэригэр баар кыһалҕаны дьүүллэһэр «төгүрүк остуолларга» кыттыбытым. Биһиги үлэбит сүнньүнэн билиибитин хаҥатар тэрээһиннэр эмиэ буолбуттара. Мин санаабар, кэмиттэн-кэмигэр улуус дьокутааттарын мунньан билиһиннэрэр, сырдатар үлэ ыытар үчүгэй. Сийиэс кэмигэр министиэристибэлэри, биэдэмистибэлэри кыттасибээс олохтоотубут. Биһиги улууспут интэриэһин көмүскүүр Ил Түмэн дьокутааттарын Елена Голомареваны уонна Иван Андреевы кытары сибээспит күүстээх. Быйыл Иван Иванович улуус балыыһаларыгар наадалаах тэрил атыылаһарбытыгар  200 тыһ. солк. сертификат бэлэхтээбитэ», -- диэн иһитиннэрдэ. Алла Андреева куоракка командировкаҕа кэллэҕинэ, улууска баар кыһалҕалары быһаарсарга дьаныардаахтык сүүрэр-көтөр. Бу да кэлэ сылдьан Үөрэх министиэристибэтигэр сылдьан, Булуҥҥа оскуола оҕолорун аһылыгынан хааччыйыыга үбү үрдэтэллэригэр туруорсубут.