5

09 ноября 2018 в 10:51

Петр Гоголев: Төрүт сокуон сүрүн бириинсиптэрэ бүгүҥҥү Күнү кытта быһаччы сибээстээхтэр

Норуот сомоҕолоһуутун күнэ

Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлэ Петр Гоголев Норуот сомоҕолоһуутун күнүгэр анаммыт үөрүүлээх миитин кыттыылаахтарын эҕэрдэлээтэ.

Ил Түмэн Бэрэссэдээтэлэ Петр Гоголев бэйэтин киирии тылыгар бэлиэ­тээбитинэн, парламент VI ыҥырыыта үлэтин бастакы күннэрэ аһаҕас уонна тииһимньилээх буолуу девиһинэн ааспыттарын бэлиэтээтэ. Ити үлэ биир холобурунан “Аһаҕас парламент” санаа атастаһыытын былаһаакката буолар. Бу атын да кырата суох суолталаах боппуруостары дьүүллэһиигэ анаан тэриллибит саҥа былаһаакка уопсастыба интэриэһин тардарыгар уонна санаа атастаһар миэстэнэн буолуоҕар эрэнэрин биллэрдэ. «Эһигиттэн хас биирдиигит судаарыс­тыбаннай суолталаах боппуруостары, оройуоннар олохторун-дьа­һахтарын боппуруостарын быһаа­рыыга кыттар кыахтаныаҕа, онон бүгүн өрөспүүбүлүкэ иннигэр турар баһырхай соруктары быһаарыыга кыт­тыгас буолуоҕа диэн эрэнэбин», — диэтэ Пе Дьокуускай куорат Күөх Хонуутун Московскай биэрэгэр бырааһынньык тэрээһинин аһарыгар Ил Түмэн спикерэ Петр Гоголев бэлиэтээбитинэн, биһиги өбүгэлэрбит тылга эрэ буолбакка, үлэ, сэрии хонууларыгар уопсай национальнай идеяларга уонна сыаннастарга бэриниилээхтэрин мэлдьи дакаастыыллара. Петр Васильевич Россия Федерациятын Төрүт сокуо­нугар киирбит сүрүн бириинсиптэргэ мустубут дьон болҕомтотун туһаайда.

«Россия Конституциятын преамбулатыгар суруллар: Биһиги, Россия Федерациятын элбэх национальностаах норуота, бэйэбит сирбитигэр уопсай дьылҕабытынан түмсэммит, киһи бырааптарын уонна көҥүллэрин, гражданскай или-эйэни бигэргэтэбит, норуоттар тэҥ буолууларын уонна дьылҕаларын бэйэлэрэ быһаарар уопсай билиниллэр бириинсиптэринэн сиэттэрэн, историянан олохтоммут судаарыстыба түмсүүтүн харыстыыбыт, биһиэхэ Аҕа дойдуга тапталы уонна ытыктабылы, үтүөҕэ уонна сиэрдээх буолууга эрэли тиэрдибит өбүгэлэрбитин кэриэстиибит, Россия сувереннай судаарыстыбаннаһын сөргүтэн уонна кини демократическай төрүттэрэ бигэ буолууларын бигэргэтэн, Россия этэҥҥэ буолуутун уонна чэчирии сайдыытын хааччыйарга дьулуһан… Ити тыллары биһиги сүрэхпитигэр иҥэрэн, мэлдьи уонна ханна баҕарар өйдүү сылдьыахтаахпыт», — диэн бэлиэтээтэ Петр Гоголев.

Парламент Бэрэссэдээтэлэ бэйэтин этиитигэр Россия Федерациятыгар саамай толкуйдаммыт уонна көдьүүстээх судаарыстыбаннай национальнай политиканы ыытааччылартан биирдэстэринэн Саха Өрөспүүбүлүкэтэ билиниллэрин бэлиэтээтэ. «Чуолаан биһиэхэ, Саха сиригэр, 1995 сылга бигэргэммит СӨ судаарыстыбаннай национальнай политикатын Концепцията гражданскай ил уонна эйэ төрүттэрин уурбута, ол үтүөтүнэн биһиги бүгүн туһанабыт, ону бэйэбит күннээҕи үлэбитигэр, төрөөбүт өрөспүүбүлүкэбит уонна тапталлаах Россиябыт туһугар кыһамньыбытыгар, өйбүтүгэр-санаабытыгар сайыннарабыт», — диэтэ кини.

«Россия объединяет» миитин кыттыылаахтарын СӨ Конституционнай суутун Бэрэссэдээтэлэ Александр Ким-Кимэн уонна СӨ-гэр Уопсастыбаннай Норуот Фронун регионнааҕы салаатын толорор директора Валерий Лютый эҕэрдэлээтилэр.

Саха сирэ Россия састаабыгар киирбитэ 375 сылын чиэһигэр туруоруллубут стелаҕа сибэкки ууруутун сиэригэр-туомугар СӨ народнай депутаттара, СӨ Бырабыы­талыстыбатын Бэрэссэдээтэлин солбуйааччы Денис Белозеров, СӨ-гэр ис дьыала миниистирэ Владимир Прокопенко, РФ СК СӨ-гэр салайааччыта Александр Заболиченко, РФ Росгвардиятын СӨ-гэр Управлениетын начальнига Сергей Челищев, СӨ-гэр федеральнай инспектор Александр Третинников, Дьокуускай куорат баһылыга Сардаана Авксентьева, Дьокуускай куорат Думатын бэрэссэдээтэлэ Альберт Семенов, Нуучча православнай таҥара дьиэтин Дьокуускайдааҕы епархиятын иерейэ, аҕабыыт Александр Воронов, Бырабыыталыстыба чилиэннэрэ, СӨ Конституционнай суутун судьуйалара, уопсастыбаннас бэрэстэбиитэллэрэ, үөрэнээччилэр, куорат олохтоохторо уонна ыалдьыттара кытыннылар.тр Гоголев.